725 Jahre Wiesental – Wiesentaler Abend mit dem Sängerbund 1862 Wiesental e. V.
Danke an das Orga-Team vom Sängerbund Wiesental & 725_jahre_wiesental, allen UnterstützerInnen & HelferInnenn und natürlich an alle Gruppen und KünstlerInnen, die für ein abwechslungsreiches Programm gesorgt haben.
Natürlich nicht ohne unser Lied:
än wunnäscheener Ort.
Wer’s net glaabt soll selbscht hingeh
sich iwwäzeijä dort,
S’liegt uffrä weidä Ebenä
mit mechdich vielem Sond,
unn s’unnere End von unsäm Ort
grenzt an des Wagbachs Schdrond.
Mechdich Sond, Wagbach Schdrond
nix geht iwwä Wissädal.
Alle Orte senn banal,
hoch nur Wissädal!
Än dä Mitt ä Denkmol schdeht
uff dä Promenad,
rings härum Kaschdoniäbeem,
s’isch än wahrä Schdaat.
Wonn’s Pfaffäloch mol ausgfillt isch,
donn gibt’s än scheener Platz,
unn die Reitschulorgl druff,
uff Kärwä des mechd Schbass.
Denkmol steht, Promenad,
hei, wie schee isch Wissädal.
Reitschulorgl uffäm Platz,
uff Kärwä des mechd Schbass.
Äm Adler isch ä Kaffeestubb,
wie än’rä großä Schdadt,
Marmordisch unn Leddäsessl,
s’modernschde wu mä hot.
Maidlinn hewä Buwikepf
unn Buwä longä Hoor
unn dä Schdrauß’sche Walzä schbielt
s’elektirsch Klavier eich vor.
Kaffeestubb, Marmordisch,
nix geht iwwä Wissädal.
Buwikepf, longä Hoor,
des isch wirklich wohr.
Mir hewä a än Leo-Saal
unn ä Rosähall.
ä nicklneii Kinnäschul
unn ä Leichähall.
Ä Hundshitt unn ä Turnähaus.
Die Kreizgass ziert dä Härsch,
do senn a zwu Terassä druff,
dass di bloß net schnärsch!
Leo-Saal, Rosähall,
nix geht iwwä Wissädal,
Kinnäschul, neier Härsch,
dass di bloß net schnärsch!
